Xosé María Álvarez Blázquez
Xosé María Álvarez Blázquez (Tui, 1915-Vigo, 1985) foi un escritor polifacético (poesía, narrativa e ensaio), arqueólogo, investigador, e editor que manifestou en todo o seu quefacer unha vontade de compromiso firme co seu país.
Como poeta cómpre destacar os seus libros Poemas de ti e de min (1949), Roseira do teu mencer (1950), Cancioneiro de Monfero (1953) e Canle segredo (1976). Como narrador, en galego é autor dos contos Os ruíns (1935) e A pega rabilonga e outras historias de tesouros (1971).
A súa figura tivo un papel central na creación das editoriais Monterrey e Castrelos, fitos fundamentais para a normalización da nosa cultura nos duros anos do franquismo. Alén diso o seu labor como investigador en temas literarios e arqueolóxicos foi moi salientábel. En literatura son de subliñar as súas achegas ao estudo da lírica medieval galega e á dos Séculos Escuros; no ámbito arqueolóxico os seus traballos sobre o a prehistoria e a romanización son especialmente relevantes.
En 2008 foi o autor homenaxeado no Día das Letras Galegas.
Obras de Xosé María Álvarez Blázquez no catálogo:
- A pega rabilonga. Os ruíns ISBN: 978-84-9865-055-6
- Canle segredo ISBN: 978-84-9865-054-9
|
 |
|
|
 Eventos relacionados:
02/04/2008 20:00Presentación de "Canle segredo" e "Vento de sal"Na Casa do Libro de Vigo, o mércores 2 de abril, ás 20.00 horas.
21/04/2008 12:00Inauguración da exposición "A palabra e os días. Homenaxe a Xosé María Álvarez Blázquez"Na Casa Galega da Cultura, Vigo, o luns 21 de abril, ás 12.00 horas.
22/04/2008 20:00Conferencia e recital poético sobre Xosé Mª Álvarez BlázquezNa Casa Galega da Cultura, o martes 22 de abril, ás 20.00 horas.
29/04/2008 20:00Conferencia de Sabino Torres: "Emilio e Xosé María Álvarez Blázquez na colección Benito Soto"Na Casa Galega da Cultura, o martes 29 de abril, ás 20.00 horas.
06/05/2008 20:00Conferencia de Víctor Freixanes: "Xosé María Álvarez Blázquez, editor"Na Casa Galega da Cultura, o martes 6 de maio, ás 20.00 horas.
20/05/2008 20:00Conferencia de Pilar Barciela: "Xosé María Álvarez Blázquez, Arqueólogo"Na Casa Galega da Cultura, o martes 20 de maio, ás 20.00 horas.
[09/06/2008 - 23/06/2008]Exposición sobre Álvarez Blázquez en PontevedraDo 9 ao 23 de xuño, na Biblioteca Pública Antonio Odriozola. Rúa Alfonso XIII, 3. Pontevedra
[15/09/2008 - 30/09/2008]A exposición "A palabra e os días" en OurenseNo Auditorio Municipal de Ourense, do 15 ao 30 de setembro.
[03/02/2012 - 03/02/2012]Doazón do arquivo de Xosé María Álvarez Blázquez á Fundación PenzolVenres 3 de febreiro, ás 12:00 h, no salón de actos da Casa Galega da Cultura. Praza da Princesa, 2. Vigo
|
|
