O Blog de Editorial Galaxia

O Blog de Editorial Galaxia

« Domingo Villar e Andrés Domínguez Almansa na Feira do Libro de Vigo
Polos vieiros da experimentación »
Xull 16

UNHA NOVELA QUE NON DEIXA INDIFERENTE A NINGUÉN

Autor: administrador | | Tags: , | Categorías: Críticas literarias |

A novela de Domingo Villar A praia dos afogados, da que a editorial Galaxia tirou do prelo 6000 exemplares, leva xa vendida practicamente toda a edición. Hai unanimidade na recepción por parte do público, e a maior parte da crítica tamén celebra esta nova entrega das aventuras de Leo Caldas.

Por suposto, non todo son parabéns, como opina o crítico Francisco Martínez Bouzas no Faro de Vigo (podes ler o seu comentario aquí), aínda que a meirande parte dos comentarios son positivos, como hoxe lemos no Cartafol de Libros de Vieiros nun comentario de Manuel Rodríguez Alonso.

Domingo Villar asinará hoxe exemplares das súas obras na feira do libro de Vigo.

Deixa unha réplica

Debes cubrir o campo de texto coas letras e numeros aqui expostos: primeiro un p despois pon a V o seguinte e un Z a continuacion un H o seguinte e un v despois pon a t a continuacion un M

A opinión de

    Tino Santiago

    30/07/10

    Tino Santiago
    Onde chega a TV

    Onde chega a TV as cousas non volven ser como antes. Por exemplo, a natalidade diminúe, o que é unha condición indispensable para o desenvolvemento. Un Ministro de Familia da India asegurou que era o mellor método anticonceptivo porque : “cando acaben as series, estarán demasiado cansos para manter relacións sexuais”. O certo é que a natalidade baixaba pero non por esgotamento senón por imitación: as “heroínas” das series teñen poucos fillos, moitas estudan e mesmo mandan en empresas.
    As veces onde chega a TV medran as reivindicacións de igualdade entre mulleres e homes; foi o caso da serie turca Noor: a trama xiraba ao redor da historia dun matrimonio novo no que o home apoiaba as aspiracións profesionais da muller. Mesmo onde chega a TV, as veces, hai menos posibilidades de comezar unha guerra; en Irán o mellor aliado da paz con Israel foi “Un xiro de 0 graos” que contaba a historia dunha especie de Schindler, que lles daba pasaportes aos xudeus para poder escapar.
    A TV é un monstro con moitas caras, unhas abominables pero outras moitas axudan a cambiar o mundo… para ben.

Os artigos de

Tamén podes ler

Revista de prensa

A recomendación de...

Héitor Mera

Por que non aprendo?

Arquivos

Temas


Útimos Posts


Últimos Comentarios